Каляндар падзей

RSS
Фильтр
Начало активности (дата):   Календарь ... Календарь
  

Навукова-практычная канферэнцыя “Традыцыйная культура і дзеці: праблемы этнавыхавання” 26.03.2020 Навукова-практычная канферэнцыя “Традыцыйная культура і дзеці: праблемы этнавыхавання”
Правядзенне шостай (VІ) рэспубліканскай навукова-практычнай канферэнцыі “Традыцыйная культура і дзеці: праблемы этнавыхавання”,якая мела адбыцца  26 сакавіка 2020 г. ў г. Мінску ў рамках падрыхтоўкі да ХІ Рэспубліканскага фестывалю фальклорнага мастацтва “Берагіня”, перанесена на больш позні час, пра які арганізатары паведамяць дадаткова. 
Cтатус гісторыка-культурнай каштоўнасці атрымалі беларускія мастацкія практыкі саломапляцення 14.02.2020 Cтатус гісторыка-культурнай каштоўнасці атрымалі беларускія мастацкія практыкі саломапляцення
Рашэнне аб неабходнасці надання статусу гісторыка-культурнай каштоўнасці элементу НКС «Беларускія мастацкія практыкі саломапляцення» прынята 12 лютага 2020 г. на пасяджэнні Беларускай рэспубліканскай навукова-метадычнай рады па пытаннях гісторыка-культурнай спадчыны ў Міністэрстве культуры. Упершыню была падрыхтавана і разгледжана прапанова аб уключэнні ў Дзяржаўны спіс гісторыка-культурных каштоўнасцей Рэспублікі Беларусь адметнай праявы НКС, якая аб’яднала ўсе рэгіёны краіны, што захоўваюць і развіваюць адметнае мастацкае рамяство саломапляцення.
Завяршыўся сезон калядных ігрышчаў - 2020 22.01.2020 Завяршыўся сезон калядных ігрышчаў - 2020
Доўгія зімовыя вечары, асабліва ў калядны час, здаўна суправаджаліся разнастайнымі народнымі забавамі. Традыцыйныя, найбольш буйныя гулянні моладзі або дарослай супольнасці з танцавальна-гульнёвымі і тэатралізаванымі паказамі называліся ігрышчамі. У розных мясцінах Беларусі можна сёння патрапіць на вясёлыя імпрэзы, зладжаныя на падставе адметных мясцовых традыцый. Завяршыўся сезон калядных ігрышчаў зацягваннем Каляды на дуб у Бярэзінскім раёне!
“Юраўскі карагод” з вёскі Пагост Жыткавіцкага раёна ўключаны ў спіс нематэрыяльнай культурнай спадчыны ЮНЕСКА! 14.12.2019 “Юраўскі карагод” з вёскі Пагост Жыткавіцкага раёна ўключаны ў спіс нематэрыяльнай культурнай спадчыны ЮНЕСКА!
Міжурадавы камітэт па ахове нематэрыяльнай культурнай спадчыны завяршыў сваё 14-е пасяджэнне, якое прайшло ў сталіцы Калумбіі з 9 па 14 снежня 2019 г. Камітэт уключыў 35 элементаў у Рэпрэзентатыўны спіс нематэрыяльнай культурнай спадчыны чалавецтва, ўнёс два праекты ў Рэестр лепшых практык аховы і пяць элементаў у Спіс нематэрыяльнай культурнай спадчыны, якой патрабуецца тэрміновая ахова. Сярод пяці элементаў, патрэбу ў тэрміновай ахове якіх прызнала ЮНЕСКА, знаходзіцца і вясновы абрад Юраўскі карагод у в. Пагост Жыткавіцкага раёна Гомельскай вобласці.
Пяты раённы фэст аўтэнтычнай песні “Бабулі” адбудзецца ў Любані 19 кастрычніка 2019 г. 19.10.2019 Пяты раённы фэст аўтэнтычнай песні “Бабулі” адбудзецца ў Любані 19 кастрычніка 2019 г.
Раённы фэст аўтэнтычнай песні “Бабулі” – фестываль прыдуманы і арганізаваны ў Любанскім раёне для папулярызацыі традыцыйных аўтэнтычных спеваў з мэтай зберажэння нематэрыяльнай гісторыка-культурнай каштоўнасці “Мясцовы спеўны стыль выканання абрадавых і пазаабрадавых твораў аўтэнтычнымі фальклорнымі гуртамі вёсак Ямінск, Закальное, Обчын Любанскага раёна Мінскай вобласці”.
Міжнародная сустрэча аматараў традыцыйнай музыкі і танцаў «Дзень і ноч танцаў у гарадзенскіх дворыках»  19.10.2019 Міжнародная сустрэча аматараў традыцыйнай музыкі і танцаў «Дзень і ноч танцаў у гарадзенскіх дворыках»
На Гродзеншчыне ў трэці раз адбудзецца міжнародная сустрэча аматараў традыцыйнай музыкі і танцаў «ДЗЕНЬ І НОЧ ТАНЦАЎ 19/Х/19 У ГАРАДЗЕНСКІХ ДВОРЫКАХ». Удзельнікаў сустрэчы запрашаюць далучыцца да традыцыйных танцаў, якія спрадвеку танцавалі нашыя продкі. У рэпертуары — полькі, вальсы, факстроты, абэркі, мазуркі, фігурныя танцы. Сустрэча збярэ музыкальныя капэлы з Беларусі, Польшчы, Латвіі і Расіі. Упершыню ў Беларусі госці сустрэчы завітаюць на ярмарак майстроў музычных інструментаў, дзе змогуць пазнаёміцца з іх аўтарамі і калекцыянерамі.