Прэзентацыя дыска «Беларускія народныя танцы» 21 кастрычніка ў Міханавіцкім Доме фальклораПрэс-рэліз Прэзентацыя складанкі (CD+DVD) «Беларускія народныя танцы» адбудзецца 21 кастрычніка а 18-й гадзіне падчас адкрыцця зімовага танцавальнага сезону ў Міханавіцкім Доме фальклора (Мінскі р-н, а/г Міханавічы, вул. Шасэйная, 114), дзе ўжо трэці год запар гасцінна прымаюць музыкаў і танцораў. Чакаецца шмат музыкі, спеваў і, вядома ж, танцаў. Віншаванні, падарункі і пачастункі вітаюцца! Выданне дыскаў стала магчымым дзякуючы плённай сумеснай працы капэлы «На таку» і клуба традыцыйнага танца «Сіта». Музыкі капэлы «На таку» ўпершыню сабраліся разам у 2008 годзе, дзякуючы энэргіі і таленту менскага дудара Змітра Сідаровіча. Ад таго часу і па сёння яны вучаць танцы, граюць танцы, ладзяць танцы – як пад дахам, так і на вольным паветры. Клуб традыцыйнага танца «Сіта» утварыўся ў студзені 2012 году. Сябры клуба імкнуцца ўзнаўляць танцы паводле этнаграфічных крыніц, засвойваць манеру выканання непасрэдна ад носьбітаў падчас этнаграфічных экспедыцый або з відэадакументальных матэрыялаў.
Фота вокладкі са старонак імпрэзы ў сацыяльных сетках
Форум для отзывов 11 не существует. |
|