Выстава маляваных дываноў сучасных майстроў «ЗДАБЫТЫ РАЙ» у МінскуВыстава “Здабыты рай” прадстаўляе калекцыю беларускіх маляваных дываноў, створаных сучаснымі майстрамі. Маляваныя дываны, або маляванкі, былі шырока распаўсюджаны на тэрыторыі Беларусі, пачынаючы з канца XIX ст., а буйны росквіт адмысловага народнага мастацтва прыйшоўся на 20–50-я гады XIX стагоддзя, калі сялянская хата пачала з гаспадарчай пабудовы паступова ператварацца ў добраўладкаванае жылое памяшканне. Маляваныя дываны на той час “уратавалі” гаспадынь, бо набыць тканы ці вышыты дыван, каб упрыгожыць муры ў хаце, было складана ў сувязі з высокім коштам і доўгім тэрмінам выканання. У маляванках сфарміравалася ўласная паэтыка карціны сусвету з характэрнымі для яе маляўніча-пластычнымі метафарамі. Быццам нейкая мініяцюрная ідылія, асэнсаванне майстрам народнага ўяўлення аб раі на Зямлі, дзе пануе гармонія паміж чалавекам і прыродай. Сучасныя мастакі і народныя майстры ў сваёй творчасці выкарыстоўваюць багаты здабытак продкаў, звяртаючыся да мастацкіх таямніц даўніны, і ствараюць свой маляваны рай. Кожны імкнецца прыўнесці ў традыцыю сваю творчую індывідуальнасць, каб працягнуць той ланцужок, духоўную повязь з мінулым, якая выяўляецца ў творчых праявах, дае моцны парастак нацыянальнай самаідэнтыфікацыі пакаленняў. На выставе прадстаўлены работы майстроў: Вольгі Аляксеевай (Віцебская вобласць, г. Дуброўна) Веры Календы (Мінская вобласць, г. Барысаў) Ірыны Князевай (г. Мінск) Вольгі Пілецкай (Мінская вобласць, г. Клецк) Адкрыццё выставы:
Форум для отзывов 11 не существует. |
|