Дударская канферэнцыя 9 красавікаШаноўнае спадарства! Запрашаем на традыцыйную Дударскую канферэнцыю: 9 красавіка (нядзеля), а 12:00, кавярня ГРАЙ (Мінск, Інтэрнацыянальная 33). Тэма застаецца нязменнай: "Дударская традыцыя ў Балтыйскім рэгіёне Еўропы". Асаблівая тэма гэтай канферэнцыі – беларускія дудары знайшлі запіс 30-х гадоў славутага музыкі з Полаччыны Хведара Сцеся! У канферэнцыі прымуць удзел дудары Алесь Лось, Тодар Кашкурэвіч, Алесь Сурба, Сяргей Чубрык, музыкі гуртоў Стары Ольса, TROLLWALD, SAKRAMANT, Lity Taler, PiobROCK, Адарвірог і іншыя. Некаторыя даклады канферэнцыі: Яўген Барышнікаў: "Дуды ад карчмы да кафедры: зацемкі аб арганізацыі дудовых вечарын, міжнародных навуковых секцый і аб актуальным стане дударскай традыцыі ў Беларусі"; Алена Ляшкевіч: “Даваенныя запісы дудовых найгрышаў у Фанаграмархіве Пушкінскага дома (Інстытут рускай літаратуры Расійскай акадэміі навук, Санкт-Пецербург)” (без дэманстрацыі гучання); Вольга Фёдарава: "Спроба рэканструкцыі строю беларускай дуды паводле архіўных і апублікаваных матэрыялаў" Акрэдытацыя для журналістаў і музыкаў праз e-mail: [email protected] Паводле афіцыйнага прэс-рэлізу Форум для отзывов 1 не существует. |