Лекцыя “Позневясновыя святы: ад Юр'я да Купалля”17 траўня, на Ушэсце, у мінскім Доме-музэі І зьезду РСДРП (пр-т Незалежнасці, 31А) пройдзе лекцыя даследчыцы Алены Ляшкевіч "Позневясновыя святы: ад Юр'я да Купалля" і танцавальная вечарына.
Можна будзе даведацца: • Якія дахрысьціянскія боствы стаяць за вобразамі святых Юр'я і Міколы? Чаму ў песьнях і былічках яны часта выступаюць у пары? Ці застаюцца актуальнымі сьвяткаванні ў іх гонар? • Што такое Страла і Куст і навошта іх водзяць, а Стралу яшчэ і хаваюць? • Купалле – вясновае ці летняе свята? І ці можна назваць яго самым эратычным ва ўсім беларускім календары?
Падчас лекцыі будзе шмат відэа з этнаграфічных экспедыцый і жывыя спевы ад гурта "Нямора". Пачатак а 18.30. Уваход 2 рублі. Сідзячых месцаў усяго 15, таму трэба запісацца загадзя па тэлефоне +375 17 290-68-47 (Андрэй), альбо на адрас электроннай пошты . Пасля лекцыі з 20.00 і пакуль не выганяць – карагоды і танцы пад дуду ў музейным дворыку. Уваход вольны! Граць будуць Антось Бельскі і Мікола Столяр. Запрашаем іншых музыкаў далучацца!
Яшчэ будзе лекцыя з асаблівай увагай да Юр'і і Міколы, 13 траўня а 17.30 у Гародні, Этнакрама "Цудоўня", вул. Кірава, 3. Уваход 2 рублі. Пасля лекцыі а 19.00 – адкрыццё сезону Танцаў гарадзенскіх дворыкаў. Уваход вольны! Лекцыі адбываюцца ў межах праекту "Этнавандроўкі", і цыклу мерапрыемстваў, ініцыяваных Нацыянальнай акадэміяй навук Беларусі. Форум для отзывов 11 не существует. |
|