Навіны

RSS
02/04/2020 Круглы стол па ахове нематэрыяльнай культурнай спадчыны адбыўся ў ІПКіПК БДУКМ
У Інстытуце павышэння кваліфікацыі і перападрыхтоўкі кадраў 25 сакавіка 2020 г. адбыўся круглы стол «Актуальныя напрамкі дзейнасці па захаванню нематэрыяльных гісторыка-культурных каштоўнасцей і іх выкарыстанню ў турыстычнай сферы»
19/02/2020 Чатыром элементам НКС нададзены статус гісторыка-культурнай каштоўнасці ў лютым 2020 года
На пасяджэнні Беларускай рэспубліканскай навукова-метадычнай рады па пытаннях гісторыка-культурнай спадчыны, якое адбылося ў Міністэрстве культуры 12 лютага 2020 г., было прынята рашэнне аб неабходнасці надання статусу гісторыка-культурнай каштоўнасці чатыром элементам нематэрыяльнай культурнай спадчыны: “Беларускія мастацкія практыкі саломапляцення”, “Традыці інсітнага (наіўнага) мастацтва Віцебшчыны”, “Традыцыя выпякання грачанага хлеба” на тэрыторыі Маларыцкага раёна Брэсцкай вобласці, “Тэхналогіі і традыцыі выпякання хатняга хлеба” ў в. Жораўка і в. Кузьмічы Любанскага раёна Мінскай вобласці.

Традыцыйная тэхналогія спіральнага пляцення атрымала статус гісторыка-культурнай каштоўнасці 30/01/2020 Традыцыйная тэхналогія спіральнага пляцення атрымала статус гісторыка-культурнай каштоўнасці

Статус гісторыка-культурнай каштоўнасці нададзены традыцыйнай тэхналогіі спіральнага пляцення Гарадоцкага, Браслаўскага, Верхнядзвінскага раёнаў Віцебскай вобласці і г. Віцебска. Прапанова Віцебскага абласнога метадычнага цэнтра народнай творчасці была разгледжана 15 студзеня 2020 г. на пасяджэнні Беларускай рэспубліканскай навукова-метадычнай рады па пытаннях гісторыка-культурнай спадчыны. Статус гісторыка-культурнай каштоўнасці нададзены Пастановай Міністэрства культуры Рэспублікі Беларусь ад 29.01.2020 № 4.

Пяць новых нематэрыяльных праяўленняў творчасці чалавека атрымалі статус гісторыка-культурнай каштоўнасці 10/01/2020 Пяць новых нематэрыяльных праяўленняў творчасці чалавека атрымалі статус гісторыка-культурнай каштоўнасці

На пасяджэнні Беларускай рэспубліканскай навукова-метадычнай рады па пытаннях гісторыка-культурнай спадчыны пры Міністэрстве культуры Рэспублікі Беларусь 11 снежня 2019 г. былі разгледжаны і падтрыманы прапановы аб неабходнасці надання статусу гісторыка-культурнай каштоўнасці пяці новым нематэрыяльным праяўленням творчасці чалавека. Гэта - тэатральны феномен Купалаўскай "Паўлінкі", традыцыя веснавых карагодаў на Вялікдзень, Праводную нядзелю і "Провады зімы" ў в. Пінкавічы Пінскага раёна, традыцыя шчадравання "Конікі" у г. Давыд-Гарадок Столінскага раёна, выраб дываноў у тэхніцы аплікацыі саломкай па тканіне ў Старадарожскім раёне і традыцыя прыгатавання «Поразаўскай банкухі» ў Свіслацкім раёне.

Калядныя звычаі Пастаўшчыны ў межах акцыі “Ведай свой край. Народная культура” 27/12/2019 Калядныя звычаі Пастаўшчыны ў межах акцыі “Ведай свой край. Народная культура”

Цэнтр культуры і народнай творчасці Пастаўскага раёна распачаў культурна-асветніцкую акцыю “Ведай свой край. Народная культура”, прысвечаную Году малой радзімы, удзелам у занятках “Школы актыўнага грамадзяніна”, якая арганізавана ў сярэдніх агульнаадукацыйных школах раёна і ставіць сваімі мэтамі фарміраванне ў вучняў гатоўнасці ўдзельнічаць у грамадска-палітычным жыцці краіны, самастойна прымаць рашэнні ў сферы грамадскіх зносін, несці адказнасць за прынятыя рашэнні і іх вынікі. Гэтыя задачы непарыўна злучаны з мэтамі выхавання асобы, якая ведае і любіць свой родны край, паважае і падтрымлівае яго традыцыі, у тым ліку ў галіне народнай культуры, якая тысячагоддзямі стваралася нашымі продкамі і пакінула нам яркія праявы ў розных жанрах фальклору.